صباح الخير يا مولاتي

يا ماما...
يا أما...
يامّاتي..
سلاماتي..
احتراماتي...
وقبلاتي...
صباح الخير يا مولاتي...
كل سنة وكل أم بألف صحة وخير....

كلها كام يوم وييجي عيد الأم

وطبعا دلوقتي ممكن تكوني قاعدة محتارة..
مش عارفة تشتري إيه لست الكل..

وحاسّة إن الوقت فات من غير ما تعملي حسابك في فلوس كفاية..
أو ممكن يكون معاكِ فلوس كفاية بس برضه محتارة مش عارفة تشتري إيه؟؟؟
طبعا كل دي أفكار عمالة بتدور في دماغك صح..

المجموعة الاولي
لو معاكِ مبلغ بسيط

شوفي يا ستي المجموعة الأولى من الهدايا اللي معانا النهادرة هتلاقيها مناسة ليكِ جدا خاصة لو كان معاكِ مبلغ بسيط ومش عارفة تجيبي بيه إيه؟؟..
نشوف مع بعض الهدايا
مج
صباح الخير يا مولاتي Kamar_01

ممكن إنك تجيبي مج من أي محل من محلات الهدايا... وعلى فكرة الأيام دي فيه محلات بتنزل مجات مكتوب عليها عبارات تهنئة بمناسبة عيد الأم.. أو بيكون مكتوب على المج حرف من الحروف الأبجدية فممكن إنك تختاري المج اللي بيكون مكتوب عليه أول حرف من اسم مامتك...

ألبوم صور
صباح الخير يا مولاتي Kamar_02

ممكن إنك تجيبي لمامتك ألبوم صور وتعملي لها مفاجأة إنك تجمعي في الألبوم ده صور كل الناس اللي مامتك بتحبهم أو تجمعي فيه كل صور والدتك.. أعتقد إن هدية زي دي هتكون مفاجأة حلوة قوي ليها...

إيشارب من صنع إيدك
صباح الخير يا مولاتي Kamar_44

وممكن كمان إنك تجيبي قماش سادة بنفس مقاس الإيشارب وتعملي فيه تطريز بالخرز ... أعتقد دي هتكون مفاجأة جميلة جدا لمامتك خاصة إنها هتحس إنك عملتِ ليها حاجة مميزة جدا من صنع إيدك.. لو كنتِ مش بتعرفي تعملي تطريز ممكن إنك تجيبي إيشارب منقوش جاهز وخدي بالك إنك تختاري النقوش اللي والدتك بتحبها..

كارت معايدة بيعمل موسيقى
صباح الخير يا مولاتي Kamar_26

كارت شيك يكون مكتوب عليه عبارة تهنئة بمناسبة عيد الأم أو يكون بيعمل موسيقى لأغنيات عيد الأم الجميلة.. واوعي تنسي تكتبي عليه أي كلمة حلوة لمامتك بمناسبة عيد الأم وليكن حتى كلمة "كل سنة وإنتِ طيبة يا ست الحبايب"..

علبة مجوهرات
صباح الخير يا مولاتي Kamar_27

علبة مجوهرات وعلى فكرة فيه علب خشب شيك جدا وبيكون تمنها على حسب حجمها وفيه منها اللي بيعمل موسيقى لما تفتحيها..

محفظة جلد شيك وبسيطة
صباح الخير يا مولاتي Kamar_28

ممكن إنك تجيبي ليها محفظة جلد صغيرة تحط فيها الأوراق الخاصة بيها أو الفلوس وعلى فكرة المحفظة دي مافيش أم بتقدر إنها تستغني عنها لأن حجمها الصغير بيساعدها على حطها في الشنطة... أو ممكن إنها تستغني عن الشنطة وتمسك المحفظة دي وعلي فكرة المحفظة دي فيه منها ألوان كتير قوي زي "الإسود والبني والهافان والنبيتي"..

مجموعة شموع عطرية
صباح الخير يا مولاتي Kamar_29

دي حاجة بسيطة برضه ممكن إنك تجيبيها لوالدتك وهي مجموعة من الشموع العطرية اللي بتدي رائحة في منتهي الجمال ويا سلام بقة وإنتم قاعدين بتحتفلوا بعيد الأم تطفي كل أنوار البيت وتشغلي الشموع.. ده هيدي منظر في منتهى الرومانسية.

مبخرة روشة
صباح الخير يا مولاتي Kamar_08

ده شكل جديد للمبخرة نازل مخصوص علشان عيد ست الكل. وعلى فكرة الشكل ده يمكن استغلاله كقطعة ديكور للبيت تحطها على التليفزيون أو على ترابيزة الأنتريه ويبقى إنتِ كده جبتِ لماما هديتين بتمن هدية واحدة.

أباجورة
صباح الخير يا مولاتي Kamar_30

أباجورة ممكن إنك تجيبيها لمامتك علشان لما تحب تقري كتاب أو أي حاجة بالليل على ضوء هادي.

زجاجة برفان صغيرة
صباح الخير يا مولاتي Kamar_31

دي بقي هدية هايلة جدا خاصة لو كانت الزجاجة دي من نفس نوع البرفان اللي مامتك بتحبه... أو ممكن إنك تجربي وتجيبي ليها نوع جديد على ذوقك على سبيل التغيير.

عباية للصلاة
صباح الخير يا مولاتي Kamar_12

المجموعة التانية
لو معاكِ مبلغ كبير

دى شوية أفكار للهدية اللي ممكن إنك تجيبيها وإنتِ اختاري المناسب ليكِ
عباية للبيت
صباح الخير يا مولاتي Kamar_33

مهما كان والدتك عندها عبايات كتير فدي هتكون بالنسبة ليها أحسن عباية عندها لأنها هدية من أغلى الناس وكمان هتلاقيها مش بتلبس إلا العباية دي..

عباية للخروج
صباح الخير يا مولاتي Kamar_34

لو والدتك من الناس اللي بتلبس عبايات في الخروج ممكن إنك تجيبي ليها عباية تلبسها وهي خارجة.. أو ممكن تجيبي ليها جيبة أو بلوزة، ولو محتارة في مقاس مامتك ممكن إنك تجيبي قطعة قماش..

شنطة وحذاء شيك
صباح الخير يا مولاتي Kamar_35

ممكن تكون مامتك جابت طاقم جديد لكن لسه ماجبتش له الشنطة أو الحذاء المناسبين ليه، فدي طبعا هتكون فرصتك في إنك تجيبي ليها حاجة هي محتاجاها.. ولو مش معاكِ تمن الاتنين ممكن إنك تجيبي حاجة واحدة منهم.

ساعة يد قيمة
صباح الخير يا مولاتي Kamar_36

ممكن إنك تجيبي ساعة يد شيك إو إنك تجيبي أي حاجة دهب أو فضة أو أي قطعة إكسسوار وأكيد طبعا مافيش ست في الدنيا مش بتحب الدهب أو الإكسسوارات...

طقم شاي أو أي حاجة كهرباء
صباح الخير يا مولاتي Kamar_37

أكيد وإنتِ بتساعدي مامتك في البيت كسرتِ حاجات كتير.. صح؟ فإيه رأيك بقى لما تعوضيها شوية من الخسائر اللي إنتِ عملتيها بحجة إنك بتساعديها وتجيبي ليها السنة دي طقم شاي أو طقم معالق أو أطباق أو طقم كاسات كريستال أو أي حاجة لزوم البيت..
أو إنك تجيبي أي أجهزة كهربائية هتحسي إنها هتساعد مامتك وهتريحها في شغل البيت زي مثلا "مضرب كهرباء أو قلاية كهربائية"..

تليفزيون صغير
صباح الخير يا مولاتي Kamar_38

ممكن إنك تشتري ليها تليفزيون صغير تحطه في المطبخ، علشان تتفرج عليه وهي بتعمل الأكل أو ممكن تحطه في أوضة النوم وتتفرج عليه وهي على السرير خاصة في الشتاء..

نجفة كريستال
صباح الخير يا مولاتي Kamar_39

لو كانت مامتك من الناس اللي بتحب إنها تغير ديكور البيت من فترة لأخرى فدي هتكون مفاجأة هايلة جدا ليها..

شمعدان
صباح الخير يا مولاتي Kamar_40

الشمعدان ده هيفرّح مامتك جدا خاصة لو كانت مامتك من النوع الرومانسي اللي مش بيحب الإضاءة بالأنوار.

تسلم ايدك هنونة

وكل سنة وانتى وانا وكل امهات المسلمين

طيبين وبخير يارب